Ankarada Heydər Əliyevin 100 illiyinə dair tədbir keçirilib - FOTOLAR
Türkiyənin paytaxtı Ankara şəhərində Ümummilli Lider Heydər Əliyevin 100 illiyi ilə əlaqədar tədbir keçirilib.
İlkxeber.org xəbər verir ki, tədbir Ümummilli Liderin 100 illik yubileyi çərçivəsində Qeyri-hökumət təşkilatlarına Dövlət Dəstəyi Agentliyinin təşkilatçılığı ilə olub.
Öncə Türkiyə-Azərbaycan dövlət himnləri səsləndirilib, sonra isə Ulu Öndər Heydər Əliyevin həyat və fəaliyyətini əks etdirən film nümayiş etdirilib.
Həmçinin, Türkiyə-Azərbaycan Dostluq, Əməkdaşlıq və Həmrəylik Vəqfinin rəhbəri, professor Aygün Əttar, Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyeva, Prezident Administrasiyasının məsul əməkdaşı Əli Pənahov, Türkiyə prezidentinin müşaviri Mücahit Küçükyılmaz, Türkiyə Daxili İşlər Nazirliyi Vətəndaş Cəmiyyəti ilə Əlaqələr Baş İdarəsinin rəisi Əhməd Türköz, Ankara Universitetinin rektoru Necdet Ünüvar, Azəri-Türk Qadınları ictimai birliyinin sədri Tənzilə Rüstəmxanlı, Azərbaycanın və Digər Türkdilli Xalqların Əməkdaşlıq Mərkəzi ictimai birliyinin sədri İlham İsmayılov, Qərbi Azərbaycan İcmasının nümayəndəsi Zaur Məmmədov çıxış ediblər.
Çıxışçılar Ümummilli lider Heydər Əliyevin Azərbaycan xalqı qarşısında fədakar xidmətlərindən, Bakı-Ankara dostluq və qardaşlığının tarixi köklərindən, Ulu Öndər Heydər Əliyev tərəfindən əsası qoyulmuş ikitərəfli və çoxtərədli beynəlxalq əlaqələrin Azərbaycan Respublikasının Prezidenti İlham Əliyevin gərgin fəaliyyəti nəticəsində artıq yüksək inkişaf səviyyəyə çatmasından və hazırda Türkiyə ilə strateji əməkdaşlıq sayəsində regionda sülhün, təhlükəsizliyin təmin olunmasından söz açıblar.
Tədbir konsert proqramı ilə yekunlaşıb.
Qeyd edək ki, nümayəndə heyəti Türkiyəyə səfər çərçivəsində Ümummilli Lider Heydər Əliyevin 100 illik yubileyi ərəfəsində keçirilmiş anım tədbirində iştirak etməklə yanaşı, bir sıra görüşlər keçirəcək və dağıdıcı zəlzələyə məruz qalan Kahramanmaraş bölgəsini ziyarət edəcək.
Bölməyə aid digər xəbərlər
ƏN ÇOX OXUNANLAR
Etimadın göstəricisi
Aybəniz Rüstəmova
"Xocalı soyqırımı bizim qan yaddaşımızdır"
Ülviyyə Ağayeva, millət vəkili
