“Vətəndaş cəmiyyəti: yeni çağırışlar”
QHT Agentliyi mediada təmsilçiləri ilə bu mövzuda görüş keçirib
Aygün Əliyeva: “Media-QHT əməkdaşlığının uğurlu olması vətəndaş cəmiyyətinin inkişafı baxımından çox önəmlidir”
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin ofisində 2022-ci il üzrə Qrant müsabiqələrində qalib olan və mediada təmsil olunan bir qrup QHT rəhbərləri ilə “Vətəndaş cəmiyyəti: yeni çağırışlar” adlı görüş keçirilib. Bu barədə İlkxeber.org-a QHT Agentliyi Mətbuat Xidmətindən məlumat verilib.
Əvvəlcə Agentliyin məsul əməkdaşları Elnur Bağırlı və Leyla Rəhimova QHT rəhbərlərini Agentliyin yeni binası ilə tanış edib və fəaliyyət barədə tədbir iştirakçılarını məlumatlandırıblar.
Daha sonra Agentliyin İcraçı direktoru Aygün Əliyeva bildirib ki, bu gün qlobal dünyada media dövlətlərin müdafiə və nəzarət mexanizmi kimi çıxış edir. Bu baxımdan, bu gün təşkil edilən görüş QHT-lərin fəaliyyətinin işıqlandırılması üçün media ilə əməkdaşlıq mühitinin yaradılmasına, sosial media ilə işin düzgün qurulmasına dəstək üçün təkliflərin verilməsinə və bu istiqamətdə müxtəlif fəaliyyətlərin icrasına təkan verəcək. Media-QHT əməkdaşlığının inkişafı məsələlərinə toxunan A.Əliyeva bildirib ki, bu əməkdaşlığın uğurlu olması ümumilikdə vətəndaş cəmiyyətinin inkişafı baxımından çox önəmlidir. Təsadüfi deyil ki, Agentliyin 2022-ci ildə kiçik qrant müsabiqəsi çərçivəsində dəstək verdiyi layihələr içərisində media sahəsində maarifləndirmə işlərinin görülməsi məsələsi də yer alıb və QHT- lər tərəfindən bu layihələr uğurla icra edilib.
Daha sonra Agentliyin Layihələr departamentinin müdiri Elnur Bağırlı Agentliyin fəaliyyəti ilə bağlı hesabatı təqdim edib.
Sonra görüş “Vətəndaş cəmiyyəti: yeni çağırışlar” mövzusu ətrafında qarşılıqlı diskussiya şəklində davam edib və mövzu ilə bağlı təkliflər səsləndirilib.
Bölməyə aid digər xəbərlər
ƏN ÇOX OXUNANLAR
Etimadın göstəricisi
Aybəniz Rüstəmova
"Xocalı soyqırımı bizim qan yaddaşımızdır"
Ülviyyə Ağayeva, millət vəkili
