Kitabda İslam coğrafiyası şairlərindən tərcümələr toplanıb

Moskvanın ünlü dini nəşriyyatı “Mədinə” Mixail Sinelnikovun öz şeirlərindən və İslam coğrafiyası şairlərindən etdiyi tərcümələrdən ibarət “Lazurit” adlı kitabı nəfis şəkildə çap edib. Qeyd edək ki, Mixail Sinelnikov uşaqlıqdan İslam ənənələrinin geniş yayıldığı Qırğızıstanın Oş şəhərində yaşamış və müsəlman şərqinin yaxşı nəyi varsa canına, qanına, şeirlərinə hopdurmuşdur.Və bəlkə bu səbəbdəndir ki, hələ bu ahıl çağlarında belə dini möcüzələrə inanmaqdadır. On üç yaşından “Quran”ın rusca tərcüməsini oxuyan və heyran qalan Mixailin şeirlərində islam motivləri xüsusi yer tutur.Və Asiya xalqları şairlərindən etdiyi tvrcümələr də onun İslam dininə böyük ilgisinin bəhrəsidir. O da Puşkin, Lermntov, Bunin kimi İslam dininə heyranlığını heç vaxt gizləməmiş və bu heyranlığını şeirlərində əks etdirmişdir. ”Lazurit” kitabı da bunun bir təsdiqidir.

Bu məlumatı sevimli şairimiz Məmməd İsmayıl özünün facebook səhifəsində paylaşıb. Mixail Sinelnikovla dost olduğunu yazan şair kitabda onun da “Tanrı bilir”, ”Allah uzaqlarda deyil”, Allah unutmur”, “Bir yol ver çıxım gedim” adlı şeirlərinin yer aldığını bildirib və buna görə köhnə-sadiq dostuna təşəkkür edib…

Ilkxeber.org