avtonovostidnya.ru portalı ehtimal edir ki, ola bilsin avtomobil Rusiyanın Bakıdakı səfirliyinə məxsusdur. Digər mümkün variant isə avtomobilin qızmar iqlim və dağlıq ərazilərdə sınaqdan keçirilmək üçün Azərbaycana göndərilməsidir. “Aurus” MMC şirkətinin rəhbəri Adil Şirinov bildirib ki, “Aurus Senat” modelinin seriya istehsalını ancaq 2020-ci ilin noyabrında başlamaq planlaşdırılır. Avtomobil “Ford Sollers” birgə müəssisəsinin Tatarıstanın Yelabuqa şəhərində yerləşən zavodunda yığılacaq. “Bu il ərzində biz pilot partiyanın yığımını planlaşdırırıq-noyabrın sonlarında ilk kuzovu qaynaq edəcəyik. Və 2021-ci ilin mayında ilk sifarişləri təhvil verəcəyik”,-Adil Şirinov “Kommersant”a bir müddət əvvəl verdiyi açıqlamada bildirib. Avtomobilin kuzovu, mühərriki və transmissiyası Rusiyanın öz istehsalıdır, hərçənd avtomobilin yığılmasında xarici detallardan da istifadə olunur. Qeyd edək ki, “Aurus” Rusiyada hakimiyyətin yüksək vəzifəli şəxsləri üçün nəzərdə tutulmuş modeldir və “Putinin limuzini” kimi tanınır.  Artıq Rusiya prezidenti vahid nümunədə yığılmış zirehli  “Aurus Senat Limousine” xidməti avtomobilindən istifadə edir. Maraqlıdır ki, yuxarıdakı mövzuya geniş yer ayıran saytlar “Aurus”un sahibinin kimliyi barədə məlumat öyrənməyə nədənsə tənbəllik ediblər. Halbuki bu avtomobilin üzərində dövlət nömrə nişanı aydın şəkildə yazıldığından sahibinin kimliyi barədə məlumat əldə etmək çox sadə bir iş idi. İlkxeber.org-un kiçik araşdırması nəticəsində bəlli olub ki, bugünlərdə Bakı küçələrində görünən  dövlət nişanı 90 MC 002 olan “Aurus Senat” limuzini hüquq elmləri doktoru, professor İlham Rəhimova məxsusudur. İlkxeber.org