Düz bir ildir universitet auditoriyalarından ayrı düşmüş . Təhsil Nazirliyinin Nazirlər Kabineti yanında Operativ Qərargaha təqdim etdiyi təkliflərdə bu barədə göstərilir.

Koronavirus pandemiyasına görə dünyanın əksər ölkələrində olduğu kimi Azərbaycanda da əyani təhsil forması ötən il martın əvvəllərindən dayandırılmışdı və nəticədə bütün səviyyələrdə təhsil online formaya keçmişdi. Nəhayət pandemiyanın ikinci dalğasının qismən səngiməsi Azərbaycanda da hökuməti karantin tədbirlərini yumşaltmağa sövq edib. Xəbər verildiyi kimi, bir çox iş yerləri, o cümlədən restoran və kafelər öz fəaliyyətlərini artıq bərpa edib. Habelə fevralın 1-dən etibarən ibtidai siniflərdə əyani təhsil qismən bərpa olunub.

Təhsil Nazirliyinin irəli sürdüyü növbəti təkliflərdə isə ölkə ərazisində fəaliyyət göstərən təhsil müəssisələrində tədris və təlim-tərbiyə prosesi mərhələli olaraq əyani formada bərpa olunması nəzərdə tutulur.

Nazirlikdən verilən məlumata görə, proses 2021-ci il 8 fevral tarixindən sanitar-gigiyenik tələblər nəzərə alınaraq aşağıda qeyd edilmiş qaydada davam etdiriləcək:

Bakı və Sumqayıt şəhərləri, Abşeron rayonu istisna olmaqla, ölkənin digər şəhər və rayonlarında yerləşən, layihə tutumu və şagird sıxlığı təhsilalanlar arasında fiziki (sosial) məsafəni (ən azı 1.5 metr) gözləməyə imkan verən ümumi təhsil müəssisələrində tədris ümumi orta təhsil səviyyəsində (I-IX siniflərdə) həftədə 5 dəfə olmaqla;

Layihə tutumu və şagird sıxlığı təhsilalanlar arasında fiziki (sosial) məsafəni (ən azı 1.5 metr) gözləməyə imkan verməyən ümumi təhsil müəssisələrində isə tədris ümumi orta təhsil səviyyəsində (I-IX siniflərdə) həftədə 3 dəfə olmaqla;

Təhsil Nazirliyinin tabeliyində fəaliyyət göstərən müstəqil tədris binası və əlverişli maddi-texniki bazası dərnək üzvləri arasında fiziki (sosial) məsafəni (ən azı 1.5 metr) gözləməyə imkan verən uşaq-gənclər inkişaf mərkəzlərində aşağı yaş qruplarında (I-IV siniflər) dərnək məşğələləri həftədə 2 dəfə olmaqla ənənəvi formada keçiriləcək.

2021-ci il 15 fevral tarixindən:

Məktəbəqədər təhsil müəssisələrində;

Bakı və Sumqayıt şəhərlərində, Abşeron rayonunda yerləşən ümumi təhsil müəssisələrinin məktəbəhazırlıq mərhələsində tədris həftədə 2 dəfə, ibtidai təhsil səviyyəsində (I-IV siniflərdə) həftədə 3 dəfə,  ümumi orta təhsil səviyyəsində (V-IX siniflərdə) həftədə 2 dəfə olmaqla;

Xüsusi məktəblərdə (I-IX siniflərdə) həftədə 5 dəfə olmaqla;

Ali və orta ixtisas təhsili və peşə təhsili müəssisələrində praktiki məşğələlər tələb olunan ixtisaslar üzrə (müvafiq laboratoriya və xüsusi təchiz edilmiş auditoriyalarda) və təhsilalanların fiziki iştirakını tələb edən fənlərin və mövzuların əvvəlcədən müəyyən edilmiş cədvəllər üzrə tədrisi (tibb, yaradıcılıq, mühəndislik və s.) ənənəvi formada bərpa olunacaq.